Մայր Աթոռի դեմ թշնամական արշավանքից առաջ իշխանությունը փորձում է հնարավորինս երկար անազատության մեջ պահել Միքայել Սրբազանին. Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է.

«Միքայել Սրբազանի նկատմամբ իշխանության `ոչ մի բարոյական սահման չունեցող հետապնդումներն, ամբողջությամբ տեղավորվում են Հայ Առաքելական Եկեղեցու դեմ ռեժիմի արշավների և կազմաքանդման քաղաքական գծին:

Հասարակության շրջանում առկա է ձևավորված համոզմունք, որ Սրբազանը հետապնդումների է ենթարկվում իշխանական տեսակետից տարբերվող կարծիք ու կոշտ դիրքորոշումներ ունենալու պատճառով:

Մայր Աթոռի դեմ հիմնական թշնամական արշավանքից առաջ իշխանությունը փորձում է հնարավորինս երկար անազատության մեջ պահել Միքայել Սրբազանին, նաև նրանով ահաբեկելու և զգուշացում փոխանցելու նաև մյուս հոգևորականներին»: