Այսօր հերթական անգամ Թուրքիայի ԱԳՆ-ն ուղիղ պահանջներ է ներկայացրել Հայաստանին. Քրիստինե Վարդանյան

ՀՀ ԱԺ պատգամավոր, ՀՅԴ անդամ Քրիստինե Վարդանյանը գրում է.

«Հայաստանում «քաղաքական պրագմատիկները»` Արցախյան ճգնաժամում Թուրքիայի դերակատարության, պանթուրքական վտանգի վերաբերյալ վերլուծությունները և զգուշացումները համարում են «ռազմահայրենասիրական շիզոֆրենիա» և իրականությունից հեռու պնդումներ:

30 տարի այդ մարդկանց պատասխանում է ինքը` Թուրքիան, բայց մեր «էքսպերտները» շարունակում են հեգնել պանթուրքական վտանգի մասին զգուշացնողներին:

Այսօր հերթական անգամ Թուրքիայի ԱԳՆ-ն ուղիղ պահանջներ է ներկայացրել Հայաստանին:

Մենք պիտի հասկանանք, որ Հայաստանի` հետևաբար մեր ապրելու միակ տարբերակը զարգանալ չզիջելով կոնցեպտն է: Ուզում եք դա անվանեք ոչմիթիզականություն, ուզում եք հայդատականություն, դա ոչ միայն միակ այընտրանքն է չթուրքանալուն, այլ ամենառացիոնալ ճանապարհն է, ինչպես ցեղասպանության ժամանակ ամենառացիոնալ տարբերակն ի սկզբանե ամենաիռացիոնալը թվացող ինքնապաշտպանության կազմակերպումն է»։