Ֆիլիպիններում թռչնագրիպ են հայտնաբերել

Ֆիլիպինների հյուսիսային Պամպանգա նահանգում H5N6 թռչնագրիպ են հայտնաբերել։ Այս մասին հայտնել Է CNN Philippines հեռուստաալիքը` ներկայացնելով երկրի գյուղատնտեսության դեպարտամենտի տվյալները։

Նշվում է նաև, որ բարձախտածին թռչնագրիպի օջախը հայտնաբերվել է Սան Լուիս շրջանի ֆերմաներից մեկում, և դրա տարածումը կանխելու համար իշխանությունների կողմից ոչնչացվել է մոտ 39 հազար հավ։

Բացի այդ, ինչպես հիշեցնում Է հեռուստաալիքը, 2017 թվականին երկրի իշխանությունները նաեւ Փամպանգա եւ Նուեվա Էսիխա նահանգներում թռչնագրիպի օջախներ են հայտնաբերել, եւ այդ ժամանակ կենդանիների կողմից մարդուն փոխանցելու դեպքեր չեն գրանցվել: