46 նոր վարակակիր. կորոնավիրուսի տարածվածությունը Չինաստանում

Չինաստանում վերջին մեկ օրում նոր կորոնավիրուսի առաջացրած հիվանդության հետեւանքով մահացածների թիվը ոչ մի մարդով չի ավելացել, բայց հիվանդանոցներում վարակակիրների թիվն աճել է 46-ով՝ հասնելով մինչև 1 107 մարդու. գրում է ՏԱՍՍ-ը՝ Չինաստանի հիգիենայի և առողջապահության հարցերով պետական կոմիտեին հղումով. հայտնում է -ը։

Նշվում է՝ երկրում վիրուսի տարածման ամբողջ ժամանակահատվածում առողջացել է վարակվածների 94,5 տոկոսը, այդ թվում՝ 76-ը վերջին մեկ օրվա ընթացքում: 2019 թվականի դեկտեմբերից հիվանդացածների թիվը կազմել է ավելի քան 82,3 հազար, իսկ երկրում թոքաբորբի հետևանքով մահացության պաշտոնական ցուցանիշը կազմում է 4 տոկոս (մահացել է 3,3 հազարից ավելի մարդ):

Հավելվում է՝ վերջին շրջանում Չինաստանում բավական սակավաթիվ են վարակման դեպքերը, միայն անցյալ օրվա ընթացքում հայտնաբերվել է 12 դեպք:

Վիրուսակիրների մեծամասնությունը ժամանում է արտասահմանից, միայն նախորդ օրը՝ 34 մարդ: Չինաստանում ընդհանուր գրանցվել է արտասահմանից եկած 1 534 վարակակիր, որոնցից 636-ն արդեն ապաքինվել է: