12 զոհ, 47 վարակակիր. կորոնավիրուսի պատկերն Իրանում

Իրանում նոր անհայտ տեսակի կորոնավիրուսով վարակման դեպքերը հասել են 47-ի, և գրանցվել է մահվան 12 դեպք. գրում է ՏԱՍՍ լրատվական գործակալությունը՝  Իրանի խորհրդարանի նախագահության պաշտոնական ներկայացուցիչ Ասադուլլա Աբասիի խոսքերին հղումով. հայտնում է Yerkir.am-ը:

«Առողջապահության նախարարը տեղեկացրել է, որ կորոնավիրուս է հայտնաբերվել 47 մարդու մոտ, նրանցից 12-ը մահացել են»,- նշել է Աբբասին:

Նախօրեի տվյալներով` Իրանում կորոնավիրուսով վարակման հաստատված դեպքերը 43-ն էին, և հաղորդվել էր մահվան 8 դեպքի մասին:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվը Չինաստանում ավելացել է 150-ով՝ հասնելով 2592-ի: Երկրում գրանցվել է վարակման ավելի քան 77.100 դեպք, որից ավելի քան 24․700 մարդ առողջացել է։

Ըստ ԱՀԿ տվյալների՝ Չինաստանի սահմաններից դուրս այս պահին մոտ 1800 վարակակիր կա:

Ավելի վաղ Իրանի առողջապահության նախարարությունը հաստատել էր, որ  երկրում կորոնավիրուսով վարակվածներ կան: