Մեծ Բրիտանիայի նախկին պաշտպանության նախարարը մեղադրել է վարչապետ Մեյին զրպարտության մեջ

Մեծ Բրիտանիայի պաշտպանության նախկին նախարար Գևին Ուիլյամսոնը մեղադրել է երկրի ներկայիս վարչապետ Թերեզա Մեյին զրպարտության մեջ, հայտնում է Sky News-ը:

Նշվում է, որ Մեյն արգելել է նրան` բրիտանական զորքեր ուղարկել «Աֆրիկա ներխուժելու համար»:

«Դա երկու կողմերի բացարձակ խելագարությունն է: Իհարկե, ոչ ոք երբեք չէր մտածում, որ կարող է նմանատիպ բան տեղի ունենալ: Դա վարչապետի կամ Սեդվիլի (ազգային անվտանգության հարցերով խորհրդական,-խմբ.) դասական զրպարտությունն է, որովհետև նրանք ապացույցներ չունեն»,- ասել է Ուիլյամսոնը:

Հիշեցնենք, որ օրերս լրատվամիջոցները տեղեկատվություն էին տարածել, ըստ որի`վարչապետ Թերեզա Մեյը հեռացրել է աշխատանքից Ուիլյամսոնին այն պատճառով, որ  նա քննարկել էր վարչապետի առողջական վիճակը՝ հայտարարելով, որ դիաբետի հետևանքով նա չի կարող ղեկավարել Բրիտանիայի կառավարությունը: