Մեծ Բրիտանիայի պաշտպանության նախարարը հայտարարել է ԱՄՆ-ի և թալիբների միջև գործարքի մասին

Աֆղանստանում իշխանության զավթումը թալիբների կողմից հնարավոր է դարձել ԱՄՆ-ի հետ, առանց այն ժամանակվա աֆղանական իշխանությունների մասնակցության, նրանց կնքած գործարքի արդյունքում։ Այս մասին հայտարարել է Մեծ Բրիտանիայի պաշտպանության նախարար Բեն Ուոլեսը. հայտնում է The Independent-ը։

Մեծ Բրիտանիայի ռազմական գերատեսչության ղեկավարի խոսքով՝ 2020 թվականին Քաթարի մայրաքաղաք Դոհայում թալիբների ներկայացուցիչները համապատասխան խաղաղության համաձայնագիր են ստորագրել ԱՄՆ-ի հետ։ Հենց այս պայմանավորվածությունից հետո հնարավոր դարձավ ամերիկյան զորքերի դուրսբերումը Աֆղանստանից, որը հնարավորություն տվեց թալիբներին իշխանության գալու։ 

Ուոլեսն ընդգծել է, որ առանց պաշտոնական Քաբուլի ներկայացուցիչների մասնակցության գործարքը դարձել է այն ժամանակվա Աֆղանստանի կառավարության կործանման պատճառը։