Բրիտանիայի ԱԳՆ-ն մեղադրել է ՌԴ-ին կորոնավիրուսի դեմ պատվաստանյութի հետազոտությունը գողանալու փորձի մեջ

Մեծ Բրիտանիայի ԱԳ նախարար Դոմինիկ Ռաբը Sky News-ին հայտարարել է, թե ռուս լրտեսները փորձում են սաբոտաժի ենթարկել կամ գողանալ կորոնավիրուսի դեմ պատվաստանյութի հետազոտությունները, որոնք իրականացվել են բրիտանացի գիտնականների կողմից։

Բացի այդ՝ նա նաև կարծիք է հայտնել, որ անհրաժեշտ է պատասխանատվության ենթարկել Ռուսաստանի նախագահ Վլադիմիր Պուտինին «զարհուրելի վարքագծի համար այն պահին, երբ աշխարհը միավորվում է COVID-19 համավարակի դեմ պայքարում»։

Միևնույն ժամանակ նախարարը չի հայտնել՝ ի վերջո արդյո՞ք գողացվել էր հաքերների կողմից որեւէ տեղեկատվություն, ինչի մասին ավելի վաղ հայտարարել էր ԱՄՆ-ը, Կանադան ու Մեծ Բրիտանիան։