Հայկական անուններով մարդիկ հաճախ ենթարկվում են հավելյալ ստուգումների Ադրբեջանի սահմանին․ ԱՄՆ պետդեպ

ԱՄՆ պետքարտուղարությունը Մարդու իրավունքների հարցով իր ամենամյա զեկույցում անդրադարձել է 2018-ին Ադրբեջանում տեղի ունեցած` մարդու իրավունքների խախտումներին, մասնավորապես` անդրադարձ է կատարվում հայկական ծագում ունեցող անձանց նկատմամբ իրականացվող հավելյալ ստուգումներին կամ երկիր մուտք գործելու արգելքին:

«Հայկական անուններով մարդիկ հաճախ ենթարկվում են հավելյալ ստուգումների սահմանն անցնելիս և պարբերաբար մերժում են ստանում այդ երկիր մուտք գործելու հարցում: Քաղաքացիական հասարակության ակտիվիստները պնդում են, որ մի ամբողջ սերունդ է մեծացել՝ լսելով հայերի դեմ ուղղված ատելության խոսքը»,- մասնավորապես ասվում է պետքարտուղարության զեկույցում: