Ադրբեջանում հայկական բնակավայրերի անուններով խմիչք են արտադրում

Հայկական քաղաքների անուններով Ադրբեջանում սկսել են կոնյակ և գինի արտադրել: Թովուզի (Տավուշին սահմանակից) շրջանում գտնվող կոնյակի և գինում արտադրամասը վերջին տարիներին սկսել է արտադրել ալկոհոլային խմիչքներ, որոնք կրում են հին հայկական քաղաքների անունները: Դրանք ներկայացվում են որպես ադրբեջանական. հաղորդում է rusarminfo.ru կայքը:

Բացի «QARABAG Extra X.O.» անունը կրող խմիչքից, սկսել են արտադրել նաև «ŞUŞA Extra» անունով կոնյակ:

Կոնյակի նկարագրության մեջ նշված է. ««Շուշա» կոնյակը` 25 տարվա հնեցմամբ, պատրաստված է Ղարաբաղի խանության պատվին, որը 1724 թ. Ադրբեջանի տարածքում ամենահզոր խանություններից մեկն էր: «Շուշա» կոնյակը ամենատիտղոսակիր կոնյակներից մեկն է Ադրբեջանում»:

Ադրբեջանում մեկ այլ արտադրող էլ սպիտակ չոր գինի է արտադրում «Իրևանի բերդ» անունով, որը հաճախ ներկայացվում է մի շարք միջազգային ցուցահանդեսներում:

Ավելի վաղ մոսկովյան օդանավակայաններում արցախյան օղու վաճառքը դժգոհությունների պատճառ էր դարձել Ադրբեջանում: