Մեր օրենսդրության նպատակը պետք է լինի երթևեկության կարգապահությունը բարձրացնելը. Փաշինյան

Այսօր կառավարության նիստում արդարադատության նախարար Արտակ Զեյնալյանը ներկայացնում էր «Մի շարք վարչական իրավախախտումների համար կիրառված տուգանքների համաներման մասին» օրենքի նախագիծը: Վարչապետ Նիկոլ Փաշինյանը նշեց, որ քաղաքացին աստիճանաբար պետք է փոխի իր վարքագիծը դեպի օրինապահություն, թեև բազմիցս է խոսվել այն մասին, որ տեսախցիկների և արագաչափերի հետ կապված խնդիրներ կան:

«Այժմ ոստիկանությունը արդարադատության նախարարության հետ համատեղ մշակում է օրենքի նախագիծ վարչական իրավախախտումների մասին օրենքում փոփոխությունների մասին, որոնք որոշակիորեն կթեթևացնեն քաղաքացիների վրա դրված տուգանքային բեռը, բայց միաժամանակ էականորեն կբարձրացնեն երթևեկության մասնակիցների կարգապահությունը: Սա շատ կարևոր արձանագրում է: Մենք հիմա հստակ քաղաքականություն ենք որդեգրում, որ մեր օրենսդրության նպատակը պետք է լինի երթևեկության կարգապահությունը բարձրացնելը: Մենք հիմա աշխատում ենք այդ ուղղությամբ: Ոստիկանությունը կարծես լավ առաջարկներ է մշակել»,- ասաց Փաշինյանը: