Գյումրիում վթարի է ենթարկվել «Յոթ վերք» եկեղեցու քահանան

Երեկ՝ ժամը 23:30-ի սահմաններում, «Գազ 31029» մակնիշի ավտոմեքենայով վթարի է ենթարկվել  Շիրակի մարզի «Յոթ վերք» եկեղեցու քահանան՝ Հովհաննես Սարգսյանը։

Վթարի հետևանքով քահանան, երեցկինը և քահանայի քույրը տեղափոխվել են «Գյումրու» ԲԿ:

Հիվանդանոցից yerkir.am_ին տեղեկացրեցին, որ երեքի կյանքին էլ վտանգ չի սպառնում:

«Քահանան ստացել է գլխուղեղի ցնցում, ճակատին մի փոքր բացվածք է ունեցել, որը կարվել է: Նրա գիտակցությունը տեղն է, վիճակը` կայուն: Քահանայի քրոջ վիճակը ևս լավ է: Մի քանի օր մեր հսկողության ներքո մնալուց հետո հավանաբար դուրս կգրվեն: Ամենաշատը վնասվել է երեցկինը, ով, բացի գլխուղեղի ցնցումից, ունի նաև դիմածնոտային վնասվածքներ»,- ասացին հիվանդանոցից: