Գազի հարցով ժամանակավոր հանձնաժողովում դեռևս բովանդակային քննարկման չեն անցել

Գազի հանձնաժողովում այսօր բովանդակային քննարկում չի եղել:

«Յուրաքանչյուր խումբ բերել էր իր կազմած հարցաշարերը, որոնցով պետք է առաջիկայում աշխատի, ու հանձնաժողովի ողջ կազմով համաձայնեցնում էինք այդ հարցաշարերը»,- Yerkir.am-ի հետ զրույցում ասաց ՀՅԴ խմբակցության քարտուղար Աղվան Վարդանյանը` հանձնաժողովի նիստի ավարտից հետո:

Հիշեցնենք, որ գազի հանձնաժողովը, ԱԺ-ի որոշմամբ, դասակարգվել էր չորս խմբերի, որոնցից յուրաքանչյուրը պետք է որոշակի հարցերի ուսումնասիրությամբ զբաղվի:

Այլ` բովանդակային քննարկումներ այսօրվա նիստում չեն եղել: Աղվան Վարդանյանը չցանկացավ մանրամասնել, թե ի՞նչ բնույթի հարցեր էին ներկայացրել ենթախմբերը, քանի որ յուրաքանչյուր հարցաշարում 20-30 հարց էր ընդգրկված: