Հայաստանը, քաղաքական առումով, անցման փուլում է

ՀՀ նախագահ Սերժ Սարգսյանի  հրամանագրով երեկ ստեղծվեց նախագահին առընթեր Սահմանադրական բարեփոխումների մասնագիտական հանձնաժողովը, որի կազմն արդեն հայտնի է:

Yerkir.am-ի խնդրանքով` նախկին պատգամավոր, տնտեսագետ Վարդան Բոստանջյանն անդրադարձավ նախագահի  այս կարևոր որոշմանը: Ըստ նրա` Հայաստանն այժմ անցման փուլում է` ոչ միայն տնտեսական, այլև քաղաքական  առումով:

«Եթե հանձնաժողովը հանգի  եզրակացության, որ խորհրդարանական  կառավարման ձևը  մեզ մոտ ավելի լավ է, բնականաբար, բոլորս պետք է հակված լինենք դրան, քանի որ վերևներում մեզնից ավելի բարձր մտածողներ կան»,- ասաց նա և հավելեց, որ  հանձնաժողովի ստեղծումը ոչ այլ ինչ է, եթե ոչ տվյալ երևույթի ուսումնասիրություն,  դրա շուրջ հակասությունների հայտնաբերում,  որոնց  մասին, ըստ նրա, վաղ է խոսել: