Հետընտրական հանրահավաքներ են սպասվում. ՛՛Հայկական ժամանակ՛՛

Նախագահի թեկնածու Րաֆֆի Հովհաննիսյանը պատրաստվում է փետրվարի 18-ին տեղի ունենալիք նախագահական ընտրություններից հետո մի քանի օր հանրահավաքներ անցկացնել Երեւանի Ազատության հրապարակում եւ Մատենադարանի մոտ: Երեւանի քաղաքապետարանի տեղեկատվության համաձայն, Հովհաննիսյանի լիազոր ներկայացուցիչը նախօրեին եւ երեկ միանգամից երեք հանրահավաքի իրազեկում է ներկայացրել քաղաքապետարան, որոնք ընդունվել են՝ ի գիտություն: Հանրահավաքները տեղի կունենան փետրվարի 20-ին և 22-ին Ազատության հրապարակում, իսկ 22-ին' Մատենադարանի մոտ: Ինչպես տեղեկացնում է «Հայկական ժամանակ»-ը, Րաֆֆի Հովհաննիսյանի լիազոր ներկայացուցիչը Երեւանի քաղաքապետարան հանրահավաքի իրազեկման հայտ էր ներկայացրել նաև այսօրվա համար: