Թուրք կանայք Զոհրապի նկարն են բարձրացնում ցույցերի ժամանակ

Ստամբուլում կա կանանց մի խումբ, որը կոչվում է «Շաբաթ օրվա մայրեր»: Նրանք մայրեր են, որոնց երեխաներն անհայտ կորած են համարվում, եւ նրանք յուրաքանչյուր շաբաթ հավաքվում են ու բողոքի` իրենց ձայնը բարձրացնում. կանայք համոզված են, որ թուրքական պետության ձեռքում են այդ երեխաները: Այսօր լրագրողների հետ հանդիպման ժամանակ նշեց իրավապաշտպան, հրատարակիչ Ռագըփ Զարաքոլուն:

Նա տեղեկացրեց նաեւ, որ ինքն անձամբ հանդիպել է այդ մայրերի հետ եւ ասել, որ նրանք իրենց երեխաների նկարների հետ մեկտեղ` պետք է նաեւ հայերի նկարներ ունենան, քանի որ վերջիններս նույնպես թուրքական կառավարության զոհն են դարձել:

«Եվ նրանք ընդունեցին իմ ասածը` այժմ ցույցերի ժամանակ այդ կանանց ձեռքին կարող եք տեսնել նաեւ Գրիգոր Զոհրապի նկարը»,- ասաց Զարաքոլուն: