Գրախանութները "դատապարտել է մահվան"

Ավստրալիայի փոքր բիզնեսի զարգացման նախարար Նիկ Շերին համընդհանուր դժգոհություն է առաջացրել` կանխատեսելով, որ «գրախանութները մահվան են դատապարտված»:

Նախարարը կարծիք է հայտնել, որ ինտերնետի միջոցով առուվաճառքը շուտով ամբողջությամբ դուրս է մղելու ավանդական գրավաճառությունը: «Հինգ տարի հետո մենք այստեղ ոչ մի գրախանութ չենք տեսնի, բացառությամբ մասնագիտացված խանութները խոշոր քաղաքներում»,- ասել է նա:

Մինչդեռ Ավստրալիայի գրավաճառների ասոցիացիայի նախագահ Ջոել Բեքերը հայտարարել է, որ գրավաճառներն ի վիճակ են մրցակցել ինտերնետի հետ եւ «Շերիի ապոկալիպտիկ կանխատեսումների կարիքը չունեն». տեղեկացնում է mignews.com-ը: