Գիժ քամին իր չար գործն է արել

Երեկ ուշ երեկոյան Երևանի պետական համալսարանի բակում ուժեղ քամին ծառ է տապալել, ինչ հետեւանքով տուժել են անցորդներ` 1967թ. ծնված Սամվել Դանիելյանը, 1969թ. ծնված Գայանե Դանիելյանը և 1999թ. ծնված Սոնա Դանիելյանը: Նրանց տեղափոխել են Երևանի թիվ 1 համալսարանական հիվանդանոցը, որտեղից, առաջին բուժօգնություն ստանալով, դուրս են գրվել:

Ինչպես տեղեկացնում է «Արտակարգ ալիքը», քամին մոլեգնել է նաեւ հանրապետության այլ բնակավայրերում` Գյումրիում դարձյալ ծառ է տապալել, ինչ հետեւանքով վնասվել են մոտակայքում գտնվող բնակելի տնակը և մի ավտոմեքենա, իսկ Չարենցավանում եւ Վարդենիսում պոկել է տների տանիքների թիթեղները: