Խաղաղության կոչերով զոհեր են տալիս

Երբ խոսվում է երկու հասարակություններին խաղաղության պատրաստելու մասին, ենթադրվում է, որ խոսքը դիրքորոշումների խորքային փոփոխության մասին է: Սակայն սա բոլորովին չի վերաբերում ադրբեջանական կողմի դիրքորոշումներին եւ դրանցից բխող գործողություններին:

Այսօր լրագրողների հետ հանդիպման ժամանակ ռազմական հոգեբան Դավիթ Ջամալյանը խոսեց ռազմական այն դիվանագիտության մասին, որ վերջերս վարում է Ադրբեջանը: Առաջին գծում անընդհատ լարվածություն ստեղծելով` ադրբեջանցիները փորձում են մեզ մոտ տագնապային հոգեվիճակ ստեղծել եւ հասունացնել Արցախը զիջելու գաղափարը:

«Սակայն ռազմական դիվանագիտություն ասվածը շատ ծանր գին ունեցավ իրենց համար եւ շարունակում է ունենալ: Միայն վերջին շաբաթների ընթացքում մոտ 6-7 զոհ են տվել: Իրենց նախաձեռնությունն է` իրենք են պատասխանտու»,- ասաց հոգեբանը: