Կանադան պատասխան մաքսատուրքեր է սահմանել ԱՄՆ-ի շուրջ 20 մլրդ դոլարի ապրանքների նկատմամբ

Կանադան սեպտեմբերի 8-ին պատասխան մաքսատուրքեր է սահմանել ԱՄՆ-ից ներմուծվող շուրջ 20 մլրդ դոլարի ապրանքների նկատմամբ՝ արձագանքելով Վաշինգտոնի կողմից Կանադայի դեմ սահմանված մաքսատուրքերի վերջին փուլին։

Ինչպես փոխանցում է Associated Press-ը, նոր սահմանափակումները վերաբերում են հարյուրավոր ամերիկյան ապրանքների, այդ թվում՝ պողպատին, ալյումինին, պանրին, կենցաղային տեխնիկային, հագուստին, կոսմետիկային և գյուղատնտեսական սարքավորումներին։ Մաքսատուրքերի դրույքաչափերը կազմում են 15%, 25% կամ 50%՝ կախված ապրանքի տեսակից։

Կանադայի վարչապետ Մարկ Քարնին հայտարարել է, որ ԱՄՆ-ի պահանջները կարող են վնասել Կանադայի առանցքային արդյունաբերական ճյուղերին և սահմանափակել երկրի տնտեսական անկախությունը։ Նրա խոսքով՝ Օտտավան պատրաստ է պաշտպանել իր տնտեսությունն ու ազգային շահերը։