Թրամփի հայտարարած տնտեսական պատերազմը, նախորդ սահմանափակումներն ու պատժամիջոցները, դատապարտված է ձախողման. Արաղչի

Իրանի դեմ ԱՄՆ նախագահ Դոնալդ Թրամփի հայտարարած տնտեսական պատերազմը, ինչպես Իսլամական Հանրապետության նկատմամբ սահմանված բոլոր նախորդ սահմանափակումներն ու պատժամիջոցները, դատապարտված է ձախողման։ Իսկ սպառնալիքներն ինքնին հիշեցնում են հին սյուժեով ֆիլմ, որում նոր դերասաններ են ներգրավված։ Այս մասին հայտարարել է Իրանի արտաքին գործերի նախարար Աբբաս Արաղչին։

Իրանի ԱԳ նախարարը հիշեցրել է Թեհրանին ԱՄՆ-ի նախորդ վարչակազմերի սպառնալիքների մասին, այդ թվում՝ 14 տարի առաջ սահմանված «պատմության մեջ ամենակործանարար պատժամիջոցների», 8 տարի առաջ Իրանի նկատմամբ կիրառված «առավելագույն ճնշման», ինչպես նաև համեմատաբար վերջերս՝ 5 ամիս առաջ, Իրանի իշխանություններից «անվերապահ կապիտուլյացիայի» ակնկալիքի մասին։

«Դրանք բոլորը ձախողվեցին»,- գրել է Արաղչին։