Երբեք ոչնչից չեմ վախեցել. Պուտինը Նովոսիբիրսկում հանդիպել է երիտասարդ գիտնականներին

ՌԴ նախագահ Վլադիմիր Պուտինն ասել է, որ երբեք չի վախեցել արհեստական բանականության տեխնոլոգիաներից բխող սպառնալիքներից։ Այս մասին հայտնում է Armenia Sputnik-ը։

Պուտինն այսօր Նովոսիբիրսկի Ակադեմիական ավանում հանդիպել է ուսանողների, ասպիրանտների և երիտասարդ գիտնականների հետ։

Զրույցի ընթացքում կողմերն անդրադարձել են մասնավորապես արհեստական բանականության (ԱԲ) զարգացման ռիսկերին։ ՌԴ նախագահը հետաքրքրվել է, թե ինչ սպառնալիքներ են տեսնում երիտասարդ մասնագետները։

Ուսանողներից մեկը` Մաքսիմ Եմելյանովը, պատասխանել է. «Վլադիմիր Վլադիմիրովիչ, անկեղծ կասեմ` դուք ոչնչից վախենալու բան չունեք»։
Պուտինը ժպիտով արձագանքել է. «Ես երբեք էլ ոչնչից չեմ վախեցել»։