Աշխատանքային կարգապահությունը չպահպանող անձինք կզորակոչվեն բանակ․ Լուկաշենկո

Բելառուսի նախագահ Ալեքսանդր Լուկաշենկոն հրամայել է, որ բերքահավաքի շրջանում գյուղատնտեսության ոլորտում վատ ցուցանիշներ ցուցաբերող և աշխատանքային կարգապահությունը չպահպանող անձինք զորակոչվեն բանակ՝ Ուկրաինայի հետ սահմանի պաշտպանությանը օգնելու համար։

Երեքշաբթի օրը Լուկաշենկոն հեռախոսազրույց է ունեցել 2026 թվականի բերքահավաքի սեզոնի վերաբերյալ, ինչպես ընդունված է տարվա այս ժամանակահատվածի համար։ Նախագահը բացատրել է՝ սա չի նշանակում, որ Բելառուսը պլանավորում է հարձակվել որևէ մեկի վրա։

«Մենք ոչ մեկի վրա չենք հարձակվում, մենք ապահովում ենք մեր սեփական անվտանգությունը։ Դա հեշտ չէ (սահմանին – խմբ.)՝ մոծակներ, ճանճեր, մլակներ և այլն։ Ահա թե որտեղ են նրանք գնում՝ բանակ։ Որպես շարքային զինվորներ։ Մեկ շաբաթ մարզում, նռնականետ, գնդացիր, իսկ հետո նրանք մեկնում են ծառայելու հատուկ նշանակության ուժերում», – նշել է Լուկաշենկոն։