Լուգանսկի Ստարոբելսկ քաղաքի քոլեջի վրա Ուկրաինայի ԶՈւ-ի hարձակման հետևանքով 40 երեխա է տnւժել

Լուգանսկի ինքնահռչակ Հանրապետության Ստարոբելսկ քաղաքի քոլեջի վրա Ուկրաինայի զինված ուժերի գիշերային հարձակման հետևանքով 40 երեխա է տուժել։

Ինչպես փոխանցում է ՏԱՍՍ-ը, այս մասին հայտնել է տեղի երեխաների իրավունքների լիազոր Իննա Շվենկը`նշելով, որ 18 ընտանիք դիմել է իրեն և սպասում է հարձակման վայրում որոնողափրկարարական գործողության արդյունքներին։

Ավելի վաղ Լուգանսկի ղեկավար Լեոնիդ Պասեչնիկը հայտնել էր, որ ուրբաթ գիշերը ՈւԶՈւ-ն անօդաչու թռչող սարքերով հարձակվել է մանկավարժական համալսարանի Ստարոբելսկի պրոֆեսիոնալ քոլեջի ուսումնական մասնաշենքի և հանրակացարանի վրա։ Հարվածի պահին այնտեղ եղել է 14-ից 18 տարեկան 86 երեխա։ Վերջին տվյալներով՝ վեց մարդ զոհվել է։