ԱՄՆ-ն և Իսրայելը քննարկել են Իրան հատուկ նշանակության ուժեր ուղարկելու հարցը

ԱՄՆ-ի և Իսրայելի իշխանությունները քննարկել են Իրան հատուկ նշանակության ուժեր ուղարկելու հնարավորությունը, որոնք կգրավեն հարստացված ուրանի և այլ միջուկային վառելիքի պաշարները, ինչպես նաև նավթարդյունաբերության կարևորագույն օբյեկտները, հայտնում է Axios պորտալը՝ հղում անելով աղբյուրներին։

Քննարկումներին ծանոթ չորս աղբյուրների համաձայն՝ ԱՄՆ-ն և Իսրայելը քննարկել են պատերազմի հետագա փուլում Իրան հատուկ նշանակության ուժեր ուղարկելու հարցը՝ բարձր հարստացված ուրանի պաշարները ապահովելու համար։

Հոդվածի հեղինակների խոսքով, դեռևս որոշված ​​չէ՝ այս առաջադրանքը կհանձնարարվի՞ ԱՄՆ-ի, թե՞ Իսրայելի հատուկ նշանակության ուժերին, թե՞ գործողությունը կիրականացվի համատեղ։

Axios-ը նաև հաղորդում է, որ միջուկային վառելիքի առգրավումը կարող է հնարավոր լինել միայն այն բանից հետո, երբ երկու կողմերն էլ համոզվեն, որ Իրանի զինված ուժերը այլևս լուրջ սպառնալիք չեն ներկայացնում։