Իսրայելը կարող է սահմանափակել գործողությունները Լիբանանում՝ ԱՄՆ-Իրան համաձայնագրի ֆոնին

Իսրայելը կարող է դադարեցնել կամ զգալիորեն կրճատել հարձակումները Լիբանանի խորքային շրջաններում՝ ԱՄՆ-ի և Իրանի միջև սպասվող համաձայնագրի ֆոնին։

Իսրայելական պետական Kan հեռարձակող ընկերության տվյալներով՝ Իսրայելը պատրաստվում է նվազեցնել հարվածները, որպեսզի «չվնասի» Վաշինգտոնի և Թեհրանի միջև հնարավոր պայմանավորվածությանը։

Միևնույն ժամանակ հաղորդվում է, որ ՑԱԽԱԼ-ը չի պատրաստվում դուրս բերել իր զորքերը Լիբանանի հարավում գտնվող անվտանգության գոտուց՝ նույնիսկ Իրանի հետ հնարավոր համաձայնության պայմաններում։

Ավելի վաղ հայտնի էր դարձել, որ Կատարի ներկայացուցիչները ժամանել են Թեհրան՝ ԱՄՆ-Իրան համաձայնագիրը վերջնական տեսքի բերելու համար։