Իսկական բարդակ․ Ավինյանը պոկում է գովազդային պաստառները, Փաշինյանը` կարոտում դրանց

Երեք օր առաջ Երևանի քաղաքապետարանի հասարակական կարգի պահպանման վարչության աշխատակիցները շրջել են քաղաքի փողոցներով և պոկել վարորդների տեղադրած գովազդային վահանակները, որոնց վրա պատկերված էին Հայաստանի տեսարժան վայրերը։ Դրանք որակվել են որպես անօրինական ու վարչական իրավախախտում, կազմվել են արձանագրություններ և վարորդները տուգանվել են։ Այս գործողությունը դժգոհություն է առաջացրել վարորդների շրջանում։

Մինչդեռ, երեկ Նիկոլ Փաշինյանի հրապարակած տեսանյութում երևում է, թե ինչպես է նա շրջում Երևանի փողոցներում և հիանում նույն այդ «ոչ օրինական» պաստառներով։ Ստացվում է՝ Ավինյանի ղեկավարած քաղաքապետարանը պոկում է Հայաստանը գովազդող պաստառները, իսկ Փաշինյանը նույն պաստառներից հաճույք է ստանում։