Նաթանյահուն կխորհրդակցի պաշտպանության նախարարի հետ՝ Եմենին պատասխանելու հարցով

Իսրայելի վարչապետ Բենիամին Նաթանյահուն հեռախոսային խորհրդակցություն կանցկացնի պաշտպանության նախարար Իսրայել Կացի և այլ բարձրաստիճան զինվորական պաշտոնյաների հետ՝ եմենի հութիների կողմից Բեն-Գուրիոն օդանավակայանը բալիստիկ հրթիռով հրթիռակոծելուց հետո, հայտնում է Times of Israel-ը՝ հղում անելով իսրայելցի պաշտոնյայի։

Տեղական ժամանակով ժամը 15:00-ին կքննարկվեն հնարավոր պատասխան միջոցները, ներառյալ Իսրայելի կողմից ուղիղ հարվածը Եմենում հութիների օբյեկտներին։

Տեղական ժամանակով ժամը 19:00-ին Նաթանյահուն անձամբ կգումարի իր անվտանգության կաբինետի նիստը՝ քննարկելու Գազայում ռազմական արշավի ընդլայնումը, Սիրիայում մարտական գործողությունները, հութիների հարձակումը և այլ հարցեր։