Քաղաքական հետապնդումների «սեզոնը» բացվեց Տիրան Խաչատրյանի ձերբակալմամբ․ Ռուբեն Մելիքյան

Քաղաքական հետապնդումների «սեզոնը» բացվեց Տիրան Խաչատրյանի ձերբակալմամբ։ Իշխող ուժի պարագլխի քաղաքական շահն ակնհայտ է՝ իր գլուխն ազատել 44-օրյա ողբերգական պատերազմի համար պատասխանատվությունից։ Այս մասին գրել է իրավապաշտպան Ռուբեն Մելիքյանն ու հավելել.

«Ինչ վերաբերում է «տարբերակված մոտեցման» չափանիշին, ապա այն նույնպես ակնհայտ է և բաղկացած է երկու բառից՝ Ջալալ Հարությունյան»։

Նշենք, որ Տիրան Խաչատրյանը կալանավորվել է երկու ամսով:

Հիշեցնենք՝ հունվարի 4-ի առավոտյան ձերբակալել են ՀՀ ազգային հերոս, գեներալ-լեյտենանտ Տիրան Խաչատրյանին։ Պաշտպանական խումբը հայտարարություն էր տարածել, ըստ որի՝ Տիրան Խաչատրյանին առաջադրված մեղադրանքը (ռազմական դրության ժամանակ զինվորական պաշտոնեական անփութություն), որը նա չի ընդունում, առնչվում է 44-օրյա պատերազմի որոշ հանգամանքների: