Մահացել է Պոլիտեխնիկի նախկին ռեկտոր, պատվավոր պրոֆեսոր, ակադեմիկոս Յուրի Սարգսյանը

Մահացել է  Պոլիտեխնիկի նախկին ռեկտոր, պատվավոր պրոֆեսոր, ակադեմիկոս Յուրի Սարգսյանը։

Պոլիտեխնիկի գործող ռեկտոր Գոռ  Վարդանյանը մահվան կապակցությամվ ցավակցություն է հայտնել Սարգսյանի հարազատներին, մտերիմներին.

«Յուրի Սարգսյանը մեծ ավանդ է ներդրել և՛ խորհրդային շրջանում, և՛ անկախ Հայաստանում գիտական միտքն ու ճարտարագիտական կրթությունը զարգացնելու գործում:

Նրա վաստակը գնահատել են ոչ միայն Խորհրդային Միությունն ու Հայաստանի Հանրապետությունը։ Գիտական ակնառու ձեռքբերումների շնորհիվ Յուրի Սարգսյանը դասախոսել է նաև ԱՄՆ-ի Սթենֆորդի և Իլինոյսի համալսարաններում։

Անկեղծ ցավակցությունս եմ հայտնում Յուրի Սարգսյանի հարազատներին, մտերիմներին։ Պոլիտեխնիկը կհիշի իր երախտավորի անունն ու վաստակը»։