Գլխիս հարվածեցին, ուշագնաց եղա, մեքենայում եմ գիտակցության եկել․ բերման ենթարկված քաղաքացի

Լրագրող Անի Գևորգյանը զրուցել է այսօր բերման ենթարկված և ազատ արձակված Կիրանց գյուղի բնակչի հետ։ Նա պատմել է, որ կանգնած է եղել, ոստիկանների հարվածից ընկել է և ուշագնաց եղել։ Ուշքի է եկել միայն մեքենայում։

«Բաժնում նորմալ էին վերաբերվում։ Շտապ օգնության մեքենա են կաչել, եկել են առաջին բուժօգնություն են ցույց տվել հենց Նոյեմբարյանի բաժնում։ Գլխիս հարվածել էին և անգիտակից վիճակում եմ եղել, մեքենայում եմ գիտակցության եկել»,- ասաց նա։

Քաղաքացին նշեց, որ առաջին անգամ չէ, որ բերման է ենթարկվում։

Հիշեցնենք, որ այսօր՝ մայիսի 20-ին, Կիրանց գյուղի մուտքի մոտից ոստիկանները և կարմիրբերետավորները ուժի կիրառմամբ բերման էին ենթարկել 14 քաղաքացու և տեղափոխել Ոստիկանության Նոյեմբերյանի բաժին: