HSBC Հայաստանը կվաճառվի Արդշինբանկին

Արդշինբանկը որոշել է ձեռք բերել HSBC Հայաստանը: Տեղեկությունը հայտնում է Արդշինբանկի մամուլի ծառայությունը։

Նշվում է, որ արդեն համաձայնության են եկել HSBC-ի հետ։

«HSBC Հայաստանի ակնկալվող ձեռքբերումը բացառիկ հնարավորություն է ամրապնդելու Արդշինբանկի գործառնական ու ֆինանսական առկա ներուժը»,– ասված է հաղորդագրությունում:

2023 թվականի դեկտեմբերի 31-ի դրությամբ HSBC Հայաստանի (բրիտանական կապիտալով բանկ) ակտիվները կազմել են մոտ 290 միլիարդ դրամ, վարկային պորտֆելը՝ մոտ 185 միլիարդ ՀՀ դրամ, իսկ հաճախորդներից ներգրաված միջոցները՝ մոտ 200 միլիարդ ՀՀ դրամ:

Գործարքը ենթակա է հաստատման վերահսկող ու հակամենաշնորհային մարմինների կողմից և ավարտին կհասցվի առաջիկա 12 ամիսների ընթացքում: