Գազայում ՄԱԿ-ի ավտոմեքենաները քարերով ջարդել են, ավտոշարասյունները՝ թալանվել. ՓՈԱԿ

ՄԱԿ-ի ավտոմեքենաները քարկոծվել են Գազայում եւ մարդասիրական օգնությամբ մի քանի ավտոշարասյուններ թալանվել են, անկլավում քաղաքացիական կարգը փլուզվում է, հայտարարել Է Գազայի հատվածում պաղեստինցի փախստականների օգնության եւ աշխատանքների կազմակերպման (ՓՈԱԿ) ՄԱԿ-ի մերձավորարեւելյան գործակալության գործերի տնօրեն Թոմաս Ուայթը։

«Քաղաքացիական կարգը Գազայում փլուզվում է.փողոցները վայրի են, հատկապես մութն ընկնելուց հետո։ Մարդասիրական օգնությամբ ավտոշարասյուններից մի քանիսը թալանվել են, իսկ ՄԱԿ-ի մեքենաները՝ քարկոծվել։ Հասարակությունը գտնվում է լիակատար քայքայման եզրին։ ՓՈԱԿ- ը շարունակում է սպասարկել բնակչությանը՝ չնայած սահմանափակ մատչելի օգնությանը», - գրել է Ուայթը X սոցիալական ցանցում: