«Իսրայելն ու Ադրբեջանն ընդհանուր թշնամի ունեն և դա Իրանն է». հրեա պատգամավորները Ադրբեջանին նամակ են ուղարկել

Իսրայելի շուրջ 3 տասնյակ նախարարներ և Կնեսետի պատգամավորներ շնորհավորական նամակ են հղել Ադրբեջանի Միլլի Մեջլիսի նախագահին և խորհրդարանի անդամներին՝ Իսրայելում դեսպանատան բացման կապակցությամբ։ Ընդգծելով երկու ժողովուրդների միջև բարեկամական ավանդական կապերը, հրեա պաշտոնյանները նամակում ընդգծել են, որ «Իսրայելն ու Ադրբեջանն ընդհանուր թշնամի ունեն և դա Իրանն է»։ Ի թիվս Թեհրանի հասցեին կոշտ մեղադրանքների, հրեական կառավարության և օրենսդիր մարմնի ներկայացուցիչները նշել են, թե Իրանը փորձում է «ադրբեջանական «Հզբալահ» ստեղծել»։

«Այաթոլլահի ռեժիմը, որը դաժանաբար սպանում է սեփական ժողովրդին և խրախուսում ահաբեկչությունն ամբողջ աշխարհում, հակասեմական քարոզչություն է իրականացնում՝ Ադրբեջանի ժողովրդին հանելու համար միջազգային ասպարեզում հարգված աշխարհիկ իշխանությունների դեմ»,- ասվում է նամակում։