Լուկաշենկոն և Պուտինը պայմանավորվել են համատեղ տարածաշրջանային զորքեր տեղակայել

Բելառուսի նախագահ Ալեքսանդր Լուկաշենկոն հայտարարել է, որ Վլադիմիր Պուտինի հետ պայմանավորվել է տարածաշրջանային զորքերի համատեղ  տեղակայման շուրջ։ Այս մասին ՌԻԱ Նովոստի փոխանցմամբ՝ հաղորդում է Բելառուսի ղեկավարի պաշտոնական կայքը։ 

«Միութենական պետության արևմտյան սահմաններում սրման հետ կապված՝ մենք պայմանավորվել ենք տեղակայել Ռուսաստանի Դաշնության և Բելառուսի Հանրապետության տարածաշրջանային խմբավորում: Այս ամենը մեր փաստաթղթերում է»,- ասել է պետության ղեկավարը։

Նա մանրամասնել է, որ երկու օր առաջ իր հրամանով սկսվել է զորքերի խմբավորման ստեղծումը։

Նշվում է, որ այս հարցը քննարկվել է հոկտեմբերի 7-ին Սանկտ Պետերբուրգում՝ ԱՊՀ ոչ պաշտոնական գագաթնաժողովից հետո Լուկաշենկոյի և Պուտինի հանդիպման ժամանակ։