Լրագրողներին թույլ չէին տալիս հետեւել բյուջեի 2021 թվականի կատարողականի քննարկմանը

Ազգային ժողովի հանձնաժողովների համատեղ նիստերում մեկնարկել է 2021 թվականի պետական բյուջեի կատարողականի քննարկումը, սակայն, ի տարբերություն նախորդ տարիների, այս տարի լրագրողներին թույլ չեն տալիս մտնել 334 դահլիճ, որտեղ տեղի է ունենում քննարկումը:

Ազգային ժողովի ՔՊ-ական պատգամավորները, աշխատակազմը և ՊՊԾ ծառայողները որևէ հիմնավորում չեն ներկայացնում, թե ինչու լրագրողներին թույլ չեն տալիս մտնել քննարկման դահլիճ։

Ի վերջո, շուրջ 30 րոպե անց լրագրողներին թույլ տվեցին մուտք գործել հանձնաժողովի նիստերի դահլիճ։

Նշենք, որ քննարկումները մեկնարկել են այսօր, որին մասնակցում է նաեւ ՀՀ վարչապետ Նիկոլ Փաշինյանը: