Չինաստանն ԱՄՆ-ին կոչ է անում չեղարկել Մոսկվայի դեմ պատժամիջոցները

Վաշինգտոնը պետք է ցույց տա ուկրաինական ճգնաժամը կարգավորելու՝ իր ցանկությունը՝ վերացնելով Մոսկվայի դեմ սահմանված պատժամիջոցները։ Այս մասին հայտարարել է Չինաստանի ԱԳՆ պաշտոնական ներկայացուցիչ Չժաո Լիցզյանը. հայտնում է ՏԱՍՍ-ը։

«Եթե ԱՄՆ-ն իսկապես անկեղծորեն շահագրգռված է ուկրաինական ճգնաժամի կարգավորմամբ, նրանք պետք է դադարեն թափահարել պատժամիջոցների մահակը»,- ասել է նա՝ առաջարկելով ճգնաժամը կարգավորելու ուղիներ:

Լիցզյանը հավելել է, որ ԱՄՆ իշխանությունները պետք է դադարեն սպառնալ Ռուսաստանին և սկսեն օգնել ռուս-ուկրաինական խաղաղ բանակցությունների առաջխաղացմանը։

Դիվանագետի խոսքով՝ «ԱՄՆ-ը շահում է քաոսից»։ Նա կարծիք է հայտնել, որ պատժամիջոցները չեն օգնի վերականգնել խաղաղությունը և չեն նպաստի անվտանգությանը։