Արցախում իրական ցեղասպանությունը «չնկատող» ՄԱԿ-ի գլխավոր քարտուղարը ռուսներին կոչ է անում դադարեցնել «ցեղասպանությունը»

ՄԱԿ-ի գլխավոր քարտուղար Անտոնիո Գուտերեշը դատապարտել է ռուսական բանակի հարձակումը Մարիուպոլի ծննդատան վրա։

«Դադարեցրե՛ք այս խելագարությունը, վերջ տվեք ցեղասպանությանը»,- ասել է գլխավոր քարտուղարը։

Գուտերեշը համապատասխան գրառում է կատարել Twitter սոցիալական ցանցում։ «Ուկրաինայի ժողովուրդը վճարում է պատերազմի գինը, որի հետ ինքը կապ չունի։ Ժամանակն է դադարեցնել այս խելագարությունը. դադարեցրեք ցեղասպանությունը»,- գրել է նա:

Հիշեցնենք, որ Արցախյան 44-օրյա պետերազմից օրերին, երբ իրական ցեղասպանություն էր իրականացվում արցախահայության հանդեպ, ինչպես նաև այսօր, երբ Ադրբեջանը փակել է Արցախ մտնող գազատարի հոսքը, անդադար կրակում է Արցախի գյուղերի և բնակիչների վրա, ՄԱԿ-ը ծպտուն չի հանում: