ՈւՂԻՂ․ Ակցիա ադրբեջանցիների՝ Հայաստան այցի և թուրք-ադրբեջանական հայատյաց քաղաքականության դեմ

Եվրանեսթի խորհրդարանական վեհաժողովի նստաշրջանի շրջանակներում Հայաստան են ժամանելու նաև ադրբեջանական պատվիրակության ներկայացուցիչներ, և հայ երիտասարդները, ուղիղ հասցեատերերին դիմելով, բողոքի ակցիա են իրականացնում «Արմենիա Մարիոթ» հյուրանոցի դիմաց։

Նրանք բողոքում են, որ եվրոպական կառույցները չեն արձագանքում թուրք-ադրբեջանական հայատյաց քաղաքականությանը։ Բողոքի ակցային միացել է նաև ՀՅԴ Հայաստանի երիտասարդական միությունը։ «Մեր ձայնը միացնելով Հայաստանի քաղաքացիների բողոքի արդար ձայնին՝ Եվրոպական պատվիրակությունների ներկայացուցիչներին մեր վրդովմունքն ենք արտահայտելու Ադրբեջանի և Թուրքիայի հայատյաց քաղաքականության շարունակական դրսևորումներին չարձագանքելու, հայ գերիներին վերադարձնելու ուղղությամբ ոչ բավարար ճնշումներ գործադրելու, Հայաստանի և ագրեսոր Ադրբեջանի միջև հավասարության նշան դնելու արատավոր քաղաքականություն վերաբերյալ»,- ասվում է ՀՅԴ ՀԵՄ-ի տարածած հայտարարության մեջ։

Առաջարկում ենք հետևել Yerkir.am-ի ուղիղ հեռարձակմանը։