Դիվանագիտական ​​սկանդալի մասին խոսք չկա. Հայաստանում չափից ավելի շատ են ուշադրություն դարձրել Լուկաշենկոյի խոսքերին. Բելառուսի ԱԳՆ ղեկավար

Բելառուսի նախագահ Ալեքսանդր Լուկաշենկոյի՝ Ռուսաստանի և Բելառուսի միութենական պետությանը Հայաստանի անդամակցելու հնարավորության վերաբերյալ հայտարարությունից հետո Մինսկի և Երևանի միջև դիվանագիտական սկանդալի մասին խոսք չկա․ ասել է Բելառուսի արտգործնախարար Վլադիմիր Մակեյը։

«Այս հարցին չափից ավելի մեծ ուշադրություն են դարձրել Հայաստանի որոշ քաղաքական ուժեր: Նախագահի հարցազրույցը պետք է ամբողջությամբ դիտել. ոչ մի խոսք չի եղել, որ ինչ-որ մեկը ինչ-որ մեկին ստիպում է անդամակցել ինչ-որ ինտեգրացիոն միության: Ընդհանրապես չեմ հասկանում, թե ինչու է խոսքն ինչ-որ դիվանագիտական սկանդալի մասին»,- նախարարի խոսքերն է մեջբերում ՏԱՍՍ-ը։