Իսպանիայի արտգործնախարարը կայցելի Աթենք՝ բացատրելու Թուրքիայի հետ ռազմական գործարքը

Իսպանիայի արտաքին գործերի նախարարը մտադիր է շուտով այցելել Աթենք՝ պարզաբանումներ տալու իր երկրի և Թուրքիայի միջև պաշտպանական գործարքի վերաբերյալ. հայտնում է Իսպանիայի ԱԳՆ-ն։

Իսպանիայի վարչապետ Պեդրո Սանչեսի՝ Թուրքիա կատարած այցի կապակցությամբ և ավիակիր կառուցելու համաձայնագրի շուրջ Էրդողանի հայտարարություններից հետո ուրբաթ օրը Հունաստանի արտաքին գործերի նախարար Նիկոլաոս Դենդիասը հեռախոսազրույց է ունեցել Իսպանիայի արտաքին գործերի նախարար Խոսե Մանուել Ալվարեսի հետ: Զրույցի ընթացքում Ալվարեսը պարզաբանել է, թե ինչ է հայտարարվել Անկարայում Սանչեսի ու Էրդողանի հանդիպումից հետո։ Նա առաջարկել է անհապաղ այցելել Աթենք՝ համապատասխան հարցերը լիովին պարզաբանելու համար։ Առաջարկն ընդունվել է։