Կորոնավիրուսի դեմ պայքարը տապալելուց հետո հիմա էլ տապալում են պատվաստումների գործընթացը. Գրիգորյան

Մի կողմից մենք ունենք պատվաստումների շատացում, ինչը ողջունելի է, բայց մյուս կողմից էլ՝ տարեց մարդկանց մահերի աճ: Այս մասին լրագրողների հետ զրույցում ասաց առողջապահության կազմակերպիչ Գևորգ Գրիգորյանը:

«Կառավարությունը իրեն բնորոշ ինքնավստահությամբ չի ցանկանում մասնագետներին լսել, այլ բժիշկներին է տարանջատում՝ դրանով կարծես տրամադրելով հասարակությանը բժիշկների դեմ: Ինչպես տապալեցին կորոնավիրուսի դեմ պայքարը, այնպես էլ հիմա տապալում են պատվաստումների գործընթացը: Պատվաստանյութը զգալիորեն նվազեցնում է մահվան դեպքերը, մենք երկու տարի ժամանակ ունեինք հասկանալու, թե ովքեր են թիրախային խմբում, պետք է աշխատեին այդ խմբի հետ, ոչ թե տնտեսությունը ավերեն, մարդկանց իրավունքները խախտեն»,- ասաց նա: