ՌԴ ԱԴԾ-ն բացահայտել է Թուրքիայից համակարգվող՝ թմրամիջոցների ապօրինի շրջանառության ամենամեծ ալիքը

ՌԴ Անվտանգության դաշնային ծառայությունը բացահայտել է թմրանյութերի բաշխման և դարքնեթով դրանց վաճառքի ամենամեծ ցանցերից մեկը։

«Ռուսաստանի Դաշնության ԱԴԾ-ն վերացրել է հատկապես խոշոր մասշտաբով սինթետիկ թմրանյութերի մատակարարման և ինտերնետ խանութների միջոցով ինտերնետի ստվերային հատվածում դրանց վաճառքի խոշորագույն ալիքներից մեկը»,- ասվում է հաղորդագրության մեջ:

Նշվում է, որ Մոսկվայի, Ռոստովի, Աստրախանի մարզերի և Կրասնոդարի երկրամասի տարածքում միջտարածաշրջանային հանցավոր համայնքի հինգ անդամ է բերման ենթարկվել: Նրանց թվում է թմրանյութերի արտադրության և բաշխման կազմակերպիչը, որը համակարգվել է Թուրքիայից: