Ադրբեջանի ԿԳ նախարարը հայտարարել է Շուշիում և Աղդամում դպրոցների կառուցման մասին

Աշխատանքներ են տարվում Շուշիում և Աղդամում միջնակարգ դպրոցներ կառուցելու ուղղությամբ: Այսպիսի հայտարարություն է արել Ադրբեջանի կրթության նախարար Էմին Ամրուլաեւը ադրբեջանական Real TV-ին տված հարցազրույցում:

Ադրբեջանցի նախարարը նշել է, որ Իլհամ Ալիևը հանձնարարականներ է տվել օկուպացված տարածքներում դպրոցների կառուցման հետ կապված:

«Շուտով, գուցե առաջիկա ամիսներին, մենք ականատես կլինենք Շուշիի և Աղդամի դպրոցների բացման մեծ իրադարձությունների: Ուրախալի է, որ այսօր մենք խոսում ենք Շուշիում և Աղդամում դպրոցներ կառուցելու ծրագրերի մասին»,- ասել է նա:

Նշենք, որ Ադրբեջանն արդեն անվանափոխել է Շուշիում առկա դպրոցների անունները, և հետագայում դրանց բացումը հավանական է, իսկ թե ոչնչացված Աղդամ քաղաքում, որտեղ բնակչություն չկա, ինչու է թշնամին բացելու դպրոց՝ չի հստակեցվում։