Բաղդադում ԱՄՆ զինված ուժերի ավիաբազան ԱԹՍ-ների կողմից հարձակման է ենթարկվել

Երկուշաբթի առավոտյան պայթուցիկներով անօդաչու սարքը հարվածել է Բաղդադի միջազգային օդանավակայանի մոտակայքում գտնվող ռազմաբազային, որն շահագործվում է Իրաքում տեղակայված ամերիկյան ուժերի կողմից: Այս մասին հայտնում է իրաքյան Shafaq news լրատվական պորտալը:

Ըստ լրատվամիջոցի՝ մի քանի պայթուցիկ արկ նետվել է բազայի տարածքում՝ ղեկավարվող անօդաչու սարքի միջոցով: Հարձակման արդյունքում զոհեր չեն եղել, ռազմական օբյեկտին նյութական վնաս չի հասցվել:

Նմանատիպ պատահարներ վերջին շրջանում շատացել են։ Թեև Իրաքում պահանջում են դուրս բերել ԱՄՆ զորքերը, այնուհանդերձ, արաբական երկրում դեռևս մնացել է արդեն մոտ 17 տարի այնտեղ գտնվող ամերիկյան զորակազմը։