Պեկինն ակնկալում է, որ Վաշինգտոնը լիովին կվերացնի հակաիրանական պատժամիջոցները

Իրանի նկատմամբ պատժամիջոցների վերացումն առաջին բանն է, որ պետք է անի ԱՄՆ վարչակազմը: Այս մասին հայտարարել է Չինաստանի արտաքին գործերի նախարար Վան Յին՝ ելույթ ունենալով Ժնևում՝ զինաթափման խորհրդաժողովում:

Չինական դիվանագիտության ղեկավարը շեշտել է դիվանագիտական ջանքերի ակտիվացման անհրաժեշտությունը` Իրանի միջուկային ծրագրի վերաբերյալ Գործողությունների համատեղ համապարփակ ծրագրի (JCPOA) վերականգնման համար, նաև նշել է, որ ԱՄՆ-ի հարկադրական գործողությունները Իրանի միջուկային ծրագրի խնդիրների հիմնական աղբյուրն են:

«ՄԱԿ-ի Անվտանգության խորհրդի բանաձևերով հաստատված JCPOA-ն բազմակողմ դիվանագիտության կարևոր արդյունք է և Միջուկային  զենքի չտարածման ռեժիմի, ինչպես նաև Մերձավոր Արևելքում խաղաղության և կայունության կարևոր հիմքը»,- ասել է Վան Յին։