Թուրքիայում 2016-ի հեղաշրջումից հետո աշխատանքից հեռացվել է 29 հազար 444 զինծառայող

2016-ի հուլիսի հեղաշրջման փորձից հետո թուրքական իշխանությունների գործողությունների արդյունքում, ընդհանուր առմամբ, 29444 զինծառայող է հեռացվել Թուրքիայի զինված ուժերից (TSK), ժանդարմերիայից և երկրի առափնյա պահպանությունից. հաղորդում է Turkish Minute-ը:

Վերջին տվյալների համաձայն՝ հետաքննություն է շարունակվում 10678 մարդու առնչությամբ, այդ թվում՝ 5887 մարդ՝ բանակում, 3644՝ նավատորմի կազմում և 1,147՝ օդուժում:

Նշվում է, որ աշխատանքից հեռացված աշխատակիցների միայն չնչին մասն է իրականում մասնակցել հեղաշրջման փորձին: Իրականում, աշխատանքից հեռացումների հիմնական մասն արվել է, այսպես կոչված, «հեռախոսային հետաքննությունների» հիման վրա: