Ադրբեջանի հրավերով Բելառուսի պաշտպանության նախարարը ժամանել է Ադրբեջան

Ադրբեջանի հրավերով Բելառուսի պաշտպանության նախարար Վիկտոր Խրենինը ժամանել է Ադրբեջան։ Տարեսկզբից Բաքուն և Մինսկը ակտիվացնում են  ռազմատեխնիկական կապերը:

«Ըստ ամենայնի` երկու մայրաքաղաքներում լսել են Ադրբեջանի նախագահ Իլհամ Ալիևի ուղերձը զինանոցը լրացնելու անհրաժեշտության մասին՝ այն սահմաններում, որոնք եղել են մինչև պատերազմը»,- հայտնում է «Սպուտնիկ»-ի ադրբեջանական ծառայությունը։

Ադրբեջանի և Բելառուսի միջև ռազմատեխնիկական համագործակցությունը շարունակվում է գրեթե 20 տարի: Տարիների ընթացքում, ըստ բաց աղբյուրների, Ադրբեջանը Բելառուսից գնել է Տ-72 տանկեր, Դ-30 հաուբիցներ, 2Ս7 «Պիոն» հրետանային հենարաններ, БТР-70 զրահափոխադրիչներ, Սու-25 գրոհիչ ինքնաթիռներ, «Պոլոնեզ» հրթիռային համակարգեր և այլն: