Իսրայելական ոստիկանությունը Երուսաղեմում հարձակվել է հավատացյալների վրա Ալ Աքսա մզկիթում. կան հարյուրավոր վիրավորներ

Առնվազն 163 պաղեստինցի է վիրավորվել Արեւելյան Երուսաղեմի Ալ Աքսա մզկիթի վրա իսրայելական ոստիկանության հարձակման և այդ մզկիթի շուրջ բախումների արդյունքում: Այս մասին ասվում է Պաղեստինի Կարմիր մահիկի հաղորդագրության մեջ:

Իսրայելական ոստիկանությունը ներխուժել է սրբավայր մահմեդական ուրբաթօրյա աղոթքի ժամանակ՝ փորձելով ձայնային ու գազային նռնակներով ցրել հավատացյալներին:

Բախումներ են սկսվել պաղեստինցիների ու ոստիկանության միջև, որոնք փորձել են արգելափակել մուտքը մուսուլմանների համար սրբազան Ալ Աքսա մզկիթ:

Իսրայելի անվտանգության ուժերը խլացնող նռնակներ և ռետինե փամփուշտներ են արձակել ցուցարարների ուղղությամբ, իսկ պաղեստինցիները պատասխանել են՝ քարեր և ապակե շշեր նետելով: