Վրաստանի վարչապետը ընդդիմության հետ բանակցություններից առաջ հայտարարել է, որ չի նախատեսում արտահերթ ընտրություններ

Վրաստանի կառավարությունը չի պատրաստվում անցկացնել արտահերթ խորհրդարանական ընտրություններ, ինչպես պահանջում է ընդդիմությունը, քանի որ 2020-ի աշնանը տեղի ունեցած ընտրությունները ճանաչվել են օրինական: Այս մասին երկուշաբթի լրագրողներին ասել է Վրաստանի վարչապետ Իրակլի Ղարիբաշվիլին՝ մեկնաբանելով քաղաքական ճգնաժամը հաղթահարելու համար ընդդիմության հետ առաջիկա բանակցությունները:

«Արտահերթ ընտրություններ չեն լինի: Մենք այս մասին խոսակցությունն ավարտել ենք: Եվրամիության, Սենատի, ԱՄՆ պետդեպարտամենտի, ԵԱՀԿ-ի և ամբողջ աշխարհի պաշտոնյաները ճանաչել են մեր ընտրությունները և շնորհավորել մեզ: Ի՞նչ ընտրությունների մասին եք դուք խոսում ինձ հետ»,- հայտարարել է Ղարիբաշվիլին: